#التحرى_فى_قضايا_الاسره
النوع الأول بيكون تحرى عن تحديد الدخل
النوع التانى بيكون تحرى عن قدرة الزوج على سداد المبلغ من عنده
أولا .. التحرى عن دخل الزوج وده بيكون فى قضايا النفقات والأجور ومصاريف المدارس والعلاج ومافى حكمها وبيكون عن طريقين ...
١ - لو الزوج بيشتغل فى مكان ثابت أو جهة معينه بتدى شهاده بمفردات المرتب وقتها بنطلب من القاضى التصريح باستخراج شهاده بمفردات المرتب
٢ - لو الزوج بيشتغل أعمال حره ومالوش دخل ثابت وقتها بنعمل تحرى عن دخله عن طريق القسم التابع له شغله زى مثلا انه يكون عنده محل أو مشروع خاص به وخلافه
٣ - لو الزوج بيشتغل فى مكان ثابت وعنده كمان شغل تانى لو مصدر دخل تانى .. وقتها بنعمل الاثنين يعنى بنجيب شهاده بمفردات المرتب وكمان تحرى من القسم عن دخله .. وطبعا لو عنده شهادات استثمار أو ودائع او عقارات أو أو أو
☆ طيب ولو كل ده فشل
يبقى وقتها قدامك حلين .. الأول انك تطلبى من القاضى إحالة الأوراق للنيابه لسماع الشهود لتحديد دخل الزوج .
والثانى أن القاضى ذات نفسه يسمع شاهد اسمه شاهد يسار أو شاهد استكشاف وهو إلى يحدد دخل الزوج ايه وكان بالظبط
ثانيا ... التحرى عن مقدرة الزوج عن سداد مبلغ دين النفقه ( المتجمد يعنى ) والتحري هنا بيكون عن طريقين ...
١ - بيكون عن طريق القسم إلى فيه محل أقامه الزوج والتحري هنا علشان يثبت مقدرة الزوج على سداد المبلغ وهل يقدر يدفعه دفعه واحده ولا على دفعات ...
٢ - ممكن القاضى يطلب سماع شاهد اسمه شاهد يسار أو استكشاف وده بردو علشان يحدد هل الزوج قادر على سداد المبلغ دفعه واحده ولا على دفعات
☆ بعد كده القاضى بيأجل للإعلان بأمر الدفع وبعد كده بيحكم بالحبس وبتكون العقوبه أقصى حاجه شهر أيا كان المبلغ المتجمد
إرسال تعليق