دعوى شفعه

 

 تشابه_الاسماء

هناك حالتين

1--لو الموكل بتاعك محبوس بسبب تشابه اسمه مع اسم المتهم الحقيقى

2-- لو الموكل بتاعك غير محبوس بس اسمه متشابه مع اسم المتهم الحقيقى

اولا: لو الموكل محبوس

 فى نقطتين :

**الاول : لو معاك توكيل و صورة بطاقته تعمل له معارضة و يوم الجلسة تطلب من المحكمة التصريح بعمل التحريات اللازمة لإثبات اذا كان هو المتهم من عدمه و هتاخد التصريح و جواب التحرى من السكرتير و تطلع على التنفيذ فى القسم التابع له الجنحة و هتقدم التحرى فى حافظة مستندات و هتدفع بعدم قبول المعارضة للتقرير بها من غير ذى صفة. 

**الثانى: مش معاك توكيل منه ولا صورة بطاقته هتنتظر لغاية ما يترحل على النيابة و يعمل المعارضة و تكمل نفس الإجراءات السابقة.

ده انسب حل لو موكلك محبوس و ظهرت له الجنحة فى احد الاكمنة 

ثانياً:لو الموكل حر طليق

هنا هتقدم طلب للنيابة ان اسم موكلك متشابه اسمه مع المتهم فى الجنحة ............ و هتطلب التحرى برضه عما إذا كان هو المتهم من عدمه و ده مدته بتتراوح من ١٥ الى ٣٠ يوم و برضه هتروح بالطلب بعد ما يتم التأشير عليه بعمل التحريات اللازمة الى التنفيذ بالقسم ..... و فى نيابات التنفيذ بيبعت طلب تشابه الاسماء مع مندوب القسم و بيرد لهم الطلب معاه التحريات و فى الحالتين تاخد صورتين رسميتين من التحرى صورة تكون معاك و صورة تكون مع موكلك ...

والحاضر عن المتهم دفع بعدم قبول المعارضه للتقرير بها من غير ذى صفه وطلب تحريات مباحث تثبت إذا كان المتهم هو المعنى بالإتهام من عدمه.

عدم جواز نظر المعارضة للتقرير بها من غير ذى صفة

والحاضر عن المتهم دفع بعدم قبول المعارضه للتقرير بها من غير ذى صفه وطلب تحريات مباحث تثبت إذا كان المتهم هو المعنى بالإتهام من عدمه.